Ny heis under bygging ved Herøy vidaregåande skule

Som biletet viser, har heisa byrja å ta form. Byggjeprosessen vil vare fram til jul, og heisa vil bli overlevert rundt den 15.-20. januar av entreprenør Kristisæter. Elevane må derfor belage seg på litt støy fram mot jul, men rektor Roar Eide kan forsikre oss om at det mest høglytte arbeidet blir gjort etter skuletid og i haustferien.

Skulen har hatt ønske om ei heis lenge, men Møre og Romsdal fylke har ikkje sett av midlar til bygginga før i år. Heisa bli bygd fordi det er eit krav til alle offentlege bygg at handicappa skal kunne ha tilgang til skulen på lik linje med andre.

Det er forventa at kostnadene på heisa vil kome på over 4 millionar kroner, og nokre av desse kostnadene vil gå til bygging av ramper og utskifting av dører.

Heisa vil også bli brukt til å frakte varer og tunge gjenstandar, og dermed blir arbeidsdagen forenkla for lærarar og elevar.