Formgjevingselevar driv ungdomsbedrift
Elevane er inndelt i tre grupper som kvar har starta si produksjonsbedrift. Dei har alle utarbeidd sine bedriftsidear. To av bedriftene satsar på produksjon og sal av smykke, medan den tredje har starta produksjon av såpe og lys.
Kva er ungdomsbedrift?
Ungdomsbedrifter er ein pedagogisk metode som gjev ungdom i vidaregåande skule kunnskap om og forståing for bedriftsetablering. Elevane skal gjennom eit skuleår etablere, drive og avvikle ungdomsbedrifta, med støtte frå lærar og eventuelt rådgjevar eller mentor frå næringslivet.
UNGDOMSBEDRIFT ER EIN PEDAGOGISK METODE DER ELEVANE:
- etablerer og driv eiga minibedrift i løpet av eit skuleår
- har eige styre
- skaffar andelskapital
- får bedrifta registrert i enhetsregistret i Brønnøysund
- marknadsfører eller produserer ei vare eller ei teneste
- legg ned ungdomsbedrifta (på slutten av skuleåret)
- lagar ein rapport og eit rekneskap
