Når du tek til på Herøy vidaregåande skule kjem du til ein triveleg skule der alle legg vekt på å utvikle skulen på beste måte både for den enkelte og lokalsamfunnet.
Skulen vil stadig utvikle det gode samarbeidet med næringslivet i området, og såleis sikre ulike bedrifter rekruttering av vel kvalifisert arbeidskraft.
Skulen er sentralt plassert i nærleiken av Herøy kyrkje i Herøy kommune. I same området ligg det barnehagar, grunnskule, kulturhus med symjehall og idrettshall og eit godt utbygd idrettsanlegg med løpebane, grasbane, kunstgrasbane, ballbinge m.m.
Skulen vil komande skuleår, saman med avdelinga i Vanylven, ha om lag 330 elevar og 90 tilsette i ymse stillingar.
Frå hausten 2011 har vi desse undervisningstilboda:
- VG1 Bygg- og anleggsteknikk
- VG1 Helse- og sosialfag
- VG1 Naturbruk
- VG1 Restaurant- og matfag
- VG1 Teknikk og industriell produksjon
- VG2 Barne- og ungdomsarbeidarfag
- VG2 Byggteknikk
- VG2 Fiske og fangst
- VG2 Helsearbeidarfag
- VG2 Kokk- og servitørfag
- VG2 Maritime fag
- VG2 Produksjons- og industriteknikk
- VG3 Påbygging til generell studiekompetanse