/ Forsiden / Utdanningsprogram / VG2 Helsearbeidarfag
VG2 Helsearbeidarfag
Etter VG2 helsearbeidarfag kan du skrive lærekontrakt og dermed utdanne deg til helsefagarbeidar. Med denne bakgrunnen får du arbeide med varierte oppgåver innan pleie, omsorg og miljøarbeid i helse- og sosialtenesta. Som helsefagarbeidar er du kvalifisert til mange spennande jobbar. Du kan få jobb ved sjukehus, sjukeheim eller med psykisk helsearbeid. Du kan og arbeide i heimebaserte tenester, ved rehabiliteringsheim for rusmisbrukarar eller i andre institusjonar innan helse- og sosialsektoren.
Mykje av arbeidet består av kontakt med menneske. Du bør difor vere samarbeidsvillig og like å arbeide for og med andre menneske. Menneskja er svært ulike med ulike personlegdomar. Difor er utfordringane både mange og varierte i dette faget. Det har mange fellestrekk med fag og yrke på høgskulenivå, spesielt sjukepleie og vernepleie.
