/ Forsiden / Studietilbod / VG2 Barne- og ungdomsarbeidarfag
VG2 Barne- og ungdomsarbeidarfag
For å få læreplass/jobb som barne- og ungdomsarbeidar må du ha politiattest som viser at du ikkje er sikta, tiltalt eller dømd for seksuelle overgrep mot barn. Som barne- og ungdomsarbeidar kan du få jobb i barnehagar, barneparkar, skular, skulefritidsordningar, klubbar og kommunale etatar med ansvar for sosiale tenester. Faget er også relevant for støttefunksjonar i undervisningstilbod i offentleg og privat organisert tilbod til barn, unge og vaksne.
Faget har behova til barn og unge som utgangspunkt. Arbeidsoppgåvene er å planleggje, gjennomføre og evaluere pedagogiske opplegg og aktivitetar for barn og unge. Det er viktig å kunne omsetje teoretiske kunnskapar i praktisk handling. I handlingane dine skal du synleggjere positive haldningar og aktivt engasjement overfor barn og unge. Du må vere flink til å kome i kontakt med og kommunisere med menneske, ha samarbeidsvilje, observasjonsevne og vere ansvarsmedviten.