/ Forsiden / Siste nytt / Skulestart og asfaltparty
Skulestart og asfaltparty
Det blei asfaltparty med pølser, hamburgarar, kaker og brus ved skulestart i år også!
Onsdag 22. august nytta vi opphaldsveret og ein framleis brukande temperatur til utandørs aktivitetar, populært kalla "asfaltparty". Nokre av lærarane hadde førebudd kalaset, m.a. ved å bake gode formkaker og førebu uteserveringa, og atter andre stod i sitt "ansikts sved" og grilla. Mange lærarar stod bak "disken" og delte ut godsakene, og køa var til tider lang. Men alt var gratis for elevane!
Elevar og tilsette fekk godt høve til å bli betre kjende med kvarandre, og slik leggje grunnlaget for eit godt skulemiljø. Dette er eit viktig formål med tiltaket, som no er i ferd med å bli tradisjon.
