/ Forsiden / Siste nytt / Ressurssenteret: 16 personar tok båtførarprøva
Ressurssenteret: 16 personar tok båtførarprøva
Måndag 29. oktober var det eksamenstid for 16 nye kandidatar. Dei hadde 5 kurskveldar over to og ei halv veke bak seg, og i tillegg ei bok å studere heime.
Det er ressurssenteret ved skulen som arrangerer kursa til Båtførarprøva, med to av skulens røynde lærarar frå Maritim avdeling som pedagogar: Bodvar Skrede og Olav Sævik. Desse må ha gjort jobben bra, for det ryktest at alle kandidatane greidde prøva, og no berre kan vente på å få tilsendt sertifikatet som viser at dei har dei kunnskapane som trengst for å vere ein trygg båtførar.
Dette er det andre kurset som Ressurssenteret har arrangert i år, og til våren vil det bli starta opp nytt båtførarkurs så sant det melder seg nok deltakarar. Skulen har ingen stønad utanfrå for å halde desse kursa, og derfor treng vi eit minimum på 10-12 deltakarar for å dekkje utgifter til undervisning og administrasjon.
Skulle nokon av lesarane vere interessert i å delta på neste kurs, er det berre å melde seg til skulen ved underteikna, så vil namnet bli notert og du vil få melding om kurset i god tid. Påmeldinga vil ikkje vere bindande før etter nærare avtale.
Arnhild Giske Runde, leiar Ressurssenteret agrunde@heroy.vgs.no tlf. 700 80 380 - 700 80 374
