/ Forsiden / Siste nytt / Lærerik utplassering offshore!
Lærerik utplassering offshore!
Elevane i vg2 maritime fag er ferdige med 4 vekers utplassering på båt.
Etter fire veker i Nordsjøen har dei fleste elevane i 2TPMA1 vendt nasa heim og er no attende på skulebenken.
Ein av elevane, Ole Kristian Voldsund fortel at han hadde ei svært lærerik periode om bord i "Bourbon Topaz" som opererte utanfor Kristiansund og seinare Sandnessjøen. Han synest det var kjekt å få denne muligheita til å sjå ting i praksis, og han trivdest kjempegodt saman med resten av mannskapet. Dei som hadde ansvaret for opplæringa om bord var flinke til å setje han i arbeid med bl.a. justering av ventilar, og kontroll av dei ulike systema om bord.
Ole Kristian meiner det er viktig å kome seg ut i praksis for å lære på den måten, og synest opplegget til skulen er godt. No er han tilbake og skal få opplæring på den nye maskinromssimulatoren.
No har matros-elevane reist ut, og dei siste kjem heim like inn i jula.
Han vil anbefale dei som likar å arbeide med maskiner og kan tenke seg eit arbeid på båt om å søkje dette tilbodet.
