På same måten som utdanningsprogramma har sine avdelingar er det ikkje-pedagogiske personalet samla i ei avdeling, drift.
Her finn vi kontorpersonalet som tek seg av det kontortekniske ved skulen. Dei aller fleste elevane er i kontakt med kontorpersonalet som prøver å hjelpe til med det meste.
Også systemansvarlig høyrer med i denne avdelinga. Han tek seg av det datatekniske og ordnar med tilgang til nett og skrivarar.
Vidare høyrer vaktmeisteren til her. Han er ansvarleg for det daglege vedlikehaldet på skulen og hjelper til med å skaffe fram materiell til kontor og reinhaldspersonalet.
Vi har også seks dyktige reinhaldarar i avdelinga. Desse ser til at det er reint og trivelig på skulen vår.
